Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

چەمپيونعا ءبىر قادام قالدى. جانىبەك ءالىمحان ۇلى WBO رەيتينگىنىڭ بيىگىنە كوتەرىلدى

22 April 2021 20:42

نۇر-سۇلتان - قازاقپارات - بۇكىل الەمدىك بوكس ۇيىمى (WBO) بارلىق سالماق دارەجەسىندە رەيتينگىن جاڭارتتى، دەپ حابارلايدى Vesti.kz.

جاريالانعان جاڭا تىزىمدە قازاقستاندىق بوكسشىلارعا قاتىستى وزگەرىستەر بار.

وسىلايشا، ورتا ديۆيزيوندا جانىبەك ءالىمحان ۇلى ءۇش ساتى جوعارلاپ، مەكسيكالىق حايمە مۋنگيادان كەيىن ەكىنشى بولدى. قانات يسلام تىزىمدە بەسىنشى ورىنعا كوتەرىلدى، ال مەيىرىم نۇرسۇلتانوۆ 13- ورىندا وزگەرىسسىز قالدى. WBO ۇيىمىنىڭ ورتا سالماقتاعى چەمپيونى امەريكالىق دەمەتريۋس اندرادە.

ەكىنشى ورتا سالماقتاعى ايدوس ەربوسىن ۇلى پوزيتسيا وزگەرتپەدى، ءتورتىنشى ورىندا تۇر. بۇل ديۆيزيون چەمپيونى بريتانيالىق بيللي دجو سوندەرس.

ايتا كەتەيىك، جانىبەك پەن ايدوس ءوز سالماقتارىندا WBO Global تيتۋلدارىنا يە.

Keywords: سپورت,
Up