Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Жел, шаңды дауыл, үсік: 25 қыркүйекке арналған ауа райы болжамы

25 September 2021 01:34

НҰР-СҰЛТАН. ҚазАқпарат - «Қазгидромет» синоптиктері 25 қыркүйек ел аумағында ауа райы қандай болатынын жариялады, деп хабарлайды ҚазАқпарат.

Қазақстанның басым бөлігінде антициклон әсерінен жауын-шашын жаумайды.

Тек елдің батысында, солтүстік-батысында, солтүстік-шығысында фронттардың ықпалымен тұрақсыз ауа райы сақталады, жаңбыр жауады.

Қазақстанның батысында, оңтүстігінде, орталығында жел күшейеді. Ал оңтүстік-батысында шаңды дауыл соғады. Республиканың солтүстігінде тұман бақыланады.

Күндіз Алматы облысының Жалаңашкөл ауданында жел қарқыны 15-20 м/с дейін күшейеді.

Жамбыл облысының солтүстік-шығысында, Түркістан облысының таулы аудандарында және батысында, Қызылорда облысының түнде орталығында, күндіз басым бөлігінде, Атырау облысының солтүстігінде және шығысында, Батыс Қазақстан облысының оңтүстігінде, орталығында және солтүстік-шығысында, Ақтөбе облысының түнде батысында, күндіз басым бөлігінде, күндіз Қарағанды облысының батысында және оңтүстігінде жел екпіні 15-20 м/с жетеді.

Қызылорда облысында шаңды дауыл тұрады.

Маңғыстау облысының батысында, солтүстік-батысында және солтүстік-шығысында секундына 15-23 метр жылдамдықпен күшті жел соғады.

Түнде және таңертең Ақмола облысының шығысында, Солтүстік Қазақстан облысының солтүстік-батысында, Павлодар облысының оңтүстігінде тұман түседі.

Түнде Алматы облысының солтүстігінде, таулы аудандарында 1-3 градус үсік жүреді.

Жамбыл облысының таулы аймақтарында топырақ бетінде 1-3 градус үсік жүреді.


Up