Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

1 миллионға жуық қандас елге көшіп келуге ниетті – Отандастар қоры

2021 жылдың 27 қазан 2021 15:34

НҰР-СҰЛТАН. ҚазАқпарат – Шетелдегі 1 миллионға жуық қандас Қазақстанға көшіп келуге ниетті. Бұл туралы «Отандастар қоры» КЕАҚ вице-президенті Мағауия Сарбасов мәлім етті, деп хабарлайды ҚазАқпарат тілшісі.

«ҚР Ақпарат және қоғамдық даму министрлігінің тапсырмасына сәйкес біз қандастарға арналған «Ерулік» атты жаңа сайт аштық. Сайт қазақ және орыс тілдерінде, латын және төте жазу нұсқаларында ақпарат таратып жатыр. Мұндағы мақсат – отанға көшіп келуге ниетті қандастарды ақпаратпен қамту. Осы орайда, елімізде сырттан келген қандастар жиі орналасатын Ақмола, Қостанай, Павлодар, Солтүстік Қазақстан және Шығыс Қазақстан облыстарының әлеуметтік-экономикалық даму көрсеткіші көшіп келуді жоспарлаған қандастарға ақпарат түрінде ұсынылып отыр. Яғни қандастар алдын ала қайда келетінін, ол жердегі жол қандай, мектеп бар ма және тағы басқа маңызды жайттармен алдын ала таныса алады», - деді М. Сарбасов.

Сондай-ақ қордың вице-президенті қазіргі таңда 1 млн-ға жуық қандас елге көшіп келуге ниетті екенін айтты.

«Бүгінде қандастарымыздың аталған сайтқа кіру, оқу динамакасы артып келеді. Әсіресе Қытай, Ресей, Иран, Моңғолия, Өзбекстан, Ұлыбритания мен Германиядағы қандастарымыздың ерулік сайтына жиі кіретіні байқалып отыр. Демек аталған елдердегі қандастарымыз отанына келугі қызығушылық танытады деген сөз. Біздегі сараптамалық талдауға сүйенсек, бүгінде 1 миллионға жуық қандасымыз елге көшіп келуге ниетті. Каратиндік талаптар жеңілдетіліп, шекаралар ашылса көш ұлғаяды деген үміттеміз», - дейді ол.

Айта кетсек, бүгін Қазақстанда шетелдегі қазақтілді бұқаралық ақпарат құралдарының басын біріктірген ассоциация құрылды.

Аталған қоғамдық ұйымға ҚР Парламенті Сенатының депутаты, қоғам қайраткері Нұртөре Жүсіп төрағалық етеді.


Жоғары қарай