Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

12 өңірде ауа райына байланысты ескерту жарияланды

2022 жылдың 15 мамыр 2022 19:05

НҰР-СҰЛТАН. ҚазАқпарат – Қазгидромет 16 мамырда бірқатар өңірде ауа райының бұзылатынын болжады, деп хабарлайды ҚазАқпарат.

Күндіз Қызылорда облысының солтүстігінде шаңды дауыл күтіледі. Жел оңтүстік-батыстан соғады, күндіз облыстың солтүстігінде 15-20 м/с күтіледі.

Батыс Қазақстан облысының солтүстігінде, шығысында, оңтүстік-шығысында найзағай жарқылдайды. Жел оңтүстік-батыстан, батыстан соғады.

Ақмола облысының батысында, солтүстігінде, оңтүстігінде найзағай, бұршақ жауады. Оңтүстік-батыстан жел соғады, облыстың батысында, солтүстігінде, оңтүстігінде 15-20, екпіні 23 м/с күтіледі.

16 мамырда түнде Ақтөбе облысының солтүстігінде қатты жаңбыр жауады. Облыстың батысында, солтүстігінде найзағай, бұршақ күтіледі. Желдің бағыты оңтүстіктен батысқа ауысады, облыстың шығысында, солтүстігінде желдің екпіні 15-20 м/с жетеді.

Күндіз Павлодар облысының солтүстігінде найзағай, бұршақ күтіледі. Оңтүстік-батыстан жел соғады, облыстың солтүстігінде күндіз жел 15-20 м/с жылдамдықпен соғады.

Нұр-Сұлтан қаласында 16 мамырда кей уақыттарда найзағай жарқылдайды. Оңтүстік-батыстан жел соғады, екпіні 15-20 м/с.

Күндіз 16 мамырда Қарағанды облысының батысында оңтүстік-батыстан жел соғады, екпіні 15-20 м/с жетеді.

16 мамырда Алматы облысының таулы аудандарында найзағай жарқылдайды. Батыстан жел соғады, найзағай кезінде күші 15-20, Жалаңашкөл ауданында екпіні 24-29 м/с.

Маңғыстау облысының батысында найзағай күтіледі. Күндіз облыстың оңтүстігінде шаңды дауыл соғады. Солтүстік-батыстан жел соғады, күндіз облыстың оңтүстігінде 15-20 м/с күтіледі.

Қостанай облысының батысында, солтүстігінде, шығысында найзағай, бұршақ, дауыл күтіледі. Түнде және таңертең облыстың солтүстігінде тұман түседі.

16-17 мамырда Жамбыл облысының оңтүстік-батысында, солтүстік-шығысында, таулы аудандарда найзағай, бұршақ, дауыл күтіледі.

Солтүстік Қазақстан облысының басым бөлігінде жаңбыр жауады. Облыстың батысында, солтүстігінде найзағай болып, дауыл соғады.


Басты сөздер: Ауа райы, Қазгидромет,
Жоғары қарай