Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

تاعى 2 جولداما: كاراتەدەن وليمپياداعا 5 سپورتشى قاتىساتىن بولدى

2021 жылдың 16 маусым 2021 07:02

نۇر- سۇلتان. قازاقپارات - حالىقارالىق كاراتە فەدەراتسياسى (WKF) وليمپيادالىق رەيتينگ بويىنشا توكيو وليمپياداسىنا جولداما العان سپورتشىلار ءتىزىمىن جاريالادى، دەپ حابارلايدى قازاقپارات Olympic.kz سايتىنا سىلتەمە جاساپ.

حالىقارالىق كاراتە فەدەراتسياسىنىڭ اقپاراتىنا سايكەس، قازاقستاندىق سپورتشىلار سوفيا بەرۋلسيەۆا (+75 كەلى) مەن دانيار يۋلداشيەۆ (+61 كەلى) قۇرلىقتىق جولداماعا يە بولىپ، قازاقستان قورجىنىنا قوس جولدامانى الىپ كەلدى.

وسىلايشا، كاراتەدەن قازاقستان قۇراماسىندا توكيو وليمپياداسىنا 5 جولداما بار. ءتورتجىلدىق دوداسىنا جولدامانى العاشقى بولىپ دارحان ءاسادىلوۆ يەلەندى. ول رەيتينگىدە قارسىلاسىنان 1000 ۇپاي الدا بولعاندىقتان، ليتسەنزيانى مەرزىمىنەن بۇرىن الدى.

ال ءمولدىر جاڭبىرباي (50 كەلى) مەن نۇرقانات ءاجىقانوۆ (75 كەلى) جولدامانى پاريجدە وتكەن ليتسەنزيالىق جارىستا جەڭىپ الدى. ەستەرىڭىزگە سالا كەتەيىك، كاراتە وليمپيادا ويىندارىنىڭ باعدارلاماسىندا العاش رەت ۇسىنىلعان.

كاراتەدەن جارىستار 6-8 تامىز ارالىعىندا وتەدى. توكيو وليمپياداسىنا بارلىعى 34 ەلدەن 82 كاراتەشى (40 ايەل جانە 42 ەر ادام) قاتىسادى. ونىڭ ىشىندە 61 كۋميتەدەن جانە 21 كاتا بويىنشا باق سىنايدى. وليمپياداعا ىرىكتەۋ ەكى جىلعا سوزىلدى.

رەيتينگىلىك جارىستاردا سپورتشىلار ۇپاي جينادى. ايتا كەتەيىك، قازىرگى تاڭدا قازاقستان قورجىنىندا 26 سپورت تۇرىنەن 72 جولداما بار.


Басты сөздер: سپورت,
Жоғары қарай