Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

توكيو-2020: مەدالدار كەستەسىندە قازاقستان 19-ورىندا تۇر

2021 жылдың 25 шілде 2021 08:11

توكيو. قازاقپارات - جاپونيا استاناسى توكيو قالاسىندا ءوتىپ جاتقان وليمپيادا ويىندارىنداعى العاشقى كۇنگى مەدالدار ەسەبى جاريالاندى، دەپ حابارلايدى قازاقپارات.

ايتا كەتەيىك، كەشە دزيۋدوشى ەلدوس سمەتوۆ 60 كەلىدە ەل قورجىنىنا قولا مەدال سالدى. وسىلايشا قازاقستان قۇراماسى وليمپيادانىڭ ءبىرىنشى كۇنىندە مەدال العان مەملەكەتتەر قاتارىنا ەندى. ناتيجەسىندە قازاقستان قۇراماسى ەستونيا، فرانسيا، يندونەزيا، يزرايل، مەكسيكا، موڭعوليا، سلوۆەنيا، شۆەيساريا جانە ۋكراينا سەكىلدى ءبىر قولامەن 19-ورىندى ءوزارا ءبولىسىپ تۇر.

كوش باسىندا 3 التىن، 1 قولا جۇلدەمەن قىتاي كەلەدى. ودان كەيىنگى ورىنداردا يتاليا مەن جاپونيا تۇر.

توكيو وليمپياداسىنىڭ 24 -شىلدەدە مەدال العان ەل قۇرامالارىنىڭ العاشقى وندىقتاعى كەستەسى تومەندەگىشە:

1. قىتاي - 3-0-1

2. يتاليا - 1-1-0

2. جاپونيا - 1-1-0

4. وڭتۇستىك كورەيا - 1-0-2

5. ەكۆادور - 1-0-0

5. ۆەنگريا - 1-0-0

5. يران - 1-0-0

5. كوسوۆو - 1-0-0

5. تايلاند - 1-0-0

بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كۇنشىعىس ەلىندە سپورتتىڭ 28 تۇرىنەن باق سىنايدى.

ەسكە سالساق، توكيو وليمپياداسى 23 - شىلدەدە باستالدى. ول 8 - تامىزدا مارەسىنە جەتەدى. بۇعان دەيىن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن، 28 كۇمىس، 64 قولا مەدال الدى.

اۆتور: ءادىلجان ۇمبەت


Басты сөздер: سپورت,
Жоғары қарай