Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قىرعىز- تاجىك شەكاراسىنداعى قاقتىعىس سالدارىنان 20 عا جۋىق ادام جارالاندى

2022 жылдың 28 қаңтар 2022 11:02

نۇر-سۇلتان.قازاقپارات - قىرعىزستان مەن تاجىكستان شەكاراسىنداعى قاقتىعىس سالدارىنان ەكى جاقتان 20 عا جۋىق ادام جارالاندى. ال قازا بولعانداردىڭ ناقتى سانى ءالى جاريالانعان جوق، دەپ حابارلايدى.

قىرعىزستان ۇلتتىق قاۋىپسىزدىك مەملەكەتتىك كوميتەتى شەكارا قىزمەتىنىڭ ديرەكتورى گەنەرال- مايور ۋلاربەك شارشەيەۆتىڭ ايتۋىنشا، تاجىك تاراپى اتىستى توقتاتپاي وتىر، ونىڭ ۇستىنە اۋىر اسكەري تەحنيكا مەن جەكە قۇرامدى شەكاراعا تارتۋدى جالعاستىرىپ جاتىر.

«ساعات 23:00 دەگى جاعداي بويىنشا تاجىكستان اسكەريلەرى قىرعىز اسكەريلەرىنە قاراي توقتاماي وق اتۋ ۇستىندە. ەكى- تاش، قۇم- بازار، چير- دوبو اۋداندارىندا اتىس جالعاسىپ جاتىر»، دەلىنگەن قىرعىزستان شەكارا قىزمەتىنىڭ حابارلاماسىندا.

شەكارا قىزمەتىنىڭ مالىمەتىنشە، تاجىكستاندىق اسكەري قىزمەتشىلەر مينومەتتەن قىرعىزستاننىڭ ىشكى اسكەرلەرى ورنالاسقان جەرگە وق اتقان، سونداي- اق تاجىك اسكەري قىزمەتشىلەرىن اتۋدىڭ ناتيجەسىندە كوچو- بويۋدا قىرعىزستان ازاماتىنىڭ ءۇيى ورتەنگەن.

قىرعىزستان شەكارا قىزمەتى بۇل وقيعانى ارانداتۋشىلىق، ونىڭ جاۋاپكەرشىلىگى تولىعىمەن تاجىكستان ۇلتتىق قاۋىپسىزدىك كوميتەتىنىڭ شەكارا اسكەرلەرىنىڭ باسشىلىعىنا جۇكتەلەدى دەپ مالىمدەدى.

«تاجىك تاراپى وقيعا مەن قاقتىعىستى ادەيى ۇيىمداستىردى، سونىڭ سالدارىنان ەكى جاقتان دا ادام شىعىنى بولدى»، دەدى مينيسترلىك.

تاجىكستان ۇلتتىق قاۋىپسىزدىك كوميتەتى شەكارا اسكەرلەرىنىڭ باسپا ءسوز قىزمەتى قىرعىزستان تاراپىنان قارقىندى اتىس ءجۇرىپ جاتقانىن حابارلادى.

ۆەدومستۆونىڭ مالىمەتىنشە، اتىس تاجىكستان تۇرعىندارىنا، كولىكتەرگە جانە ءتۇرلى ينفراقۇرىلىم نىساندارىنا جۇرگىزىلىپ جاتقانىن ايتتى. «شەكارا زاستاۆالارى مينومەتتەردەن اتقىلاپ جاتىر. تاجىكستاننىڭ بەيبىت تۇرعىندارى مەن شەكاراشىلارى اراسىندا زارداپ شەككەندەر بار».

ۆەدومستۆو سونداي- اق جەكە اسكەريلەندىرىلگەن بولىمدەر مەن بولىمشەلەردى، اسكەري تەحنيكانى باتكەن وبلىسىنىڭ شەكارالاس اۋداندارىنا كوشىرۋ تۋرالى حابارلادى.

قاڭتاردىڭ 28 ىنە قاراعان ءتۇنى قىرعىزستان پرەزيدەنتىنىڭ باتكەن وبلىسىنداعى وكىلەتتى وكىلى ابدىكارىم الىمبايەۆ پەن باتكەن وبلىسى بويىنشا شەكارا وكىلى پولكوۆنيك قيالبەك تولەنبايەۆ تاجىكستاننىڭ سوعدى وبلىسىنىڭ گۋبەرناتورى جانە شەكارا وكىلىمەن كەزدەستى.

«ساعات 02:00 دەگى جاعداي بويىنشا كوچو- بويۋ جانە داحما اۋداندارىندا ءورت توقتاتىلدى. گولوۆنايا جانە ءتورت- كوچو اۋداندارىندا وقتىن- وقتىن اتىس ەستىلەدى»، دەپ حابارلادى قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتىنىڭ باسپا ءسوز قىزمەتى.

قىرعىزستان توتەنشە جاعدايلار مينيسترلىگى باسپا ءسوز قىزمەتىنىڭ مالىمەتىنشە، 01:30 دا تاجىكستانمەن شەكاراداعى قاقتىعىس ايماعىنان 1,5 مىڭعا جۋىق ادام ەۆاكۋاتسيالاندى.

«قازىرگى ۋاقىتتا 1470 جەرگىلىكتى تۇرعىن ەۆاكۋاتسيالاندى، ولاردىڭ 1200 ءى دوستارى مەن تۋىستارىنا باردى. تۇرعىنداردىڭ ءبىر بولىگى مارگۋن، راۆات اۋىلدارى مەن باتكەن قالاسىنا كوشىرىلدى. 270 ادام ۋاقىتشا باسپاناعا ورنالاستىرىلدى. ونىڭ 104 ى ايەلدەر، 19 ى ەر ادامدار جانە 147 ءسى بالالار» ، دەپ حابارلادى باسپا ءسوز قىزمەتى.

Egemen.kz

Басты сөздер: الةم,
Жоғары қарай