Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

جاڭا وقۋ جىلىندا ستۋدەنتتەردىڭ شاكىرتاقىسى 20 پايىزعا ارتادى

2022 жылдың 24 мамыр 2022 16:13

نۇر-سۇلتان. قازاقپارات - الداعى وقۋ جىلىنان باستاپ ەلىمىز بويىنشا 133 مىڭ ستۋدەنتتىڭ شاكىرتاقىسى وسەدى.

بۇل تۋرالى ءبىلىم جانە عىلىم ۆيتسە-ءمينيسترى قۋانىش ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«2022-جىلدىڭ 1- قىركۇيەگىنەن باستاپ ستۋدەنتتەردىڭ شاكىرتاقىسى ۇلعايادى. اتاپ ايتقاندا، باكالاۆريات 20 پايىزعا ارتادى. ياعني، 31423 تەڭگەدەن 36660 تەڭگەگە وسەدى. ماگيستراتۋرا بويىنشا 15 پايىزعا ارتپاق. 76950 تەڭگەدەن 86987 تەڭگەگە وسەدى. سونىمەن قاتار دوكتورانتتاردىڭ دا شاكىرتاقىسى 15 پايىزعا كوبەيەدى. قازىر 172500 تەڭگە بولسا، جاڭا وقۋ جىلىنان باستاپ 195000 تەڭگەگە ارتادى»، - دەدى قۋانىش ەرعاليەۆ مينيسترلىكتە وتكەن اپپاراتتىق جينالىستا.

ونىڭ ايتۋىنشا، شاكىرتاقىنىڭ ءوسۋى جالپى سانى 133 مىڭ ستۋدەنتتى قامتيدى.

«الدىمىزدا ستۋدەنتتەردى جازعى سەسسيا كۇتىپ تۇر. وقۋ ورىندارى جازعى سىناقتى اكادەميالىق ادالدىق پرينتسيپتەرىنە سايكەس وتكىزۋى قاجەت. سونىمەن قاتار تۇلەكتەردىڭ ديپلومدارىن ۋاقىتىلى تابىستاعان ءجون. سول سەكىلدى، ج و و وقۋ-ادىستەمەلىك قۇرالدارى مەن نورماتيۆتىك قۇجاتتارعا ساي ج و و- لار جاڭا وقۋ جىلىنا دايىندىقتى 20- تامىزعا دەيىن قامتاماسىز ەتۋى ءتيىس»، - دەيدى ول.

بۇعان دەيىن ۆيتسە-مينيستر ج و و تۇلەكتەرىن ەڭبەكپەن قامتۋ جونىندەگى كوميسسيانىڭ جۇمىسىن سىناعان ەدى. سونداي-اق، اتالعان شارادا بيىلعى مەملەكەتتىك گرانتتىڭ 60 پايىزى تەحنيكالىق ماماندىقتارعا بولىنەتىنى ايتىلدى.

Жоғары қарай