Ауа райы
Астана 0 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

23 жастағы қостанайлық дүкенге бомба «қойғанын» хабарлады

2020 жылдың 20 наурыз 2020 18:19

ҚОСТАНАЙ.ҚазАқпарат – Қостанайлық тәртіп сақшылары жалған хабар таратқан 23 жастағы жігітті тергеуге алды, деп хабарлайды ҚазАқпарат.

Облыстық Полиция департаментінің мәліметінше, бүгін сағат 16.47-де «102» нөміріне ер адам хабарласып, Алтынсарин көшесіндегі «Азия» сауда дүкеніне жарылғыш зат қойылғанын айтқан. «Алайда ол сәлден соң телефон арқылы кешірім сұрап, жарылғыш зат туралы хабар бермегенін жеткізді. Осы хабарламаны тексеру үшін оқиға орнына арнайы қызметтер жұмылдырылды. Дүкеннен күдікті ештеңе табылған жоқ»,- деді ведомствоның баспасөз қызметінен.

Осы дерек бойынша полицейлер Қостанай қаласының 23 жастағы тұрғынын ұстады. Тергеу амалдары жүргізілуде.


Жоғары қарай