Ауа райы
Астана -3 °С
Алматы -1 °С
валюта бағамы
USD 376.72
EUR 408.67
RUB 5.76
CNY 53.68

39 жастағы Шымкент тұрғыны әке-шешесінің ақшасын жымқырған

2020 жылдың 21 қаңтар 2020 02:28

ШЫМКЕНТ. ҚазАқпарат - Шымкентте 39 жастағы азамат әкесі мен анасының банк карточкасын алып, олардың есепшотынан 180 000 теңгені жымқырған, деп хабарлайды ҚазАқпарат қалалық полиция департаментіне сілтеме жасап.

Әкесі мен шешесі банкоматтан ақша алуға келген кезде шоттағы қаржының қолды болғанын түсініп, болған оқиға туралы полицияға хабарлайды.

Аталған жайт Шымкент қаласы әл-Фараби аудандық полиция бөлімінің сотқа дейінгі тергеп-тексерудің бірыңғай тізіліміне тіркелген.

Жедел-тергеу тобының қызметкерлері карточка шотынан ақша жоғалуына 39 жастағы азаматтың тікелей қатысы бар екенін және ол ақшаның бір бөлігін өз қажетіне жұмсағанын анықтайды.

Қазіргі уақытта тергеу жүріп жатыр.


Басты сөздер: Оқиға, Заң, Шымкент,
Жоғары қарай