Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ماڭعىستاۋداعى جول اپاتىنان 5 ادام قازا تاپتى

2021 жылдың 16 қыркүйек 2021 17:24

اقتاۋ. قازاقپارات - ماڭعىستاۋداعى جول اپاتىنان 5 ادام قازا تاپتى، دەپ حابارلايدى قازاقپارات ءتىلشىسى. وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ مالىمەتىنشە، اپات سالدارىنان بەس ادام مەرت بولعان. ونىڭ ىشىندە جۇكتى ايەل دە بار.

«16 - قىركۇيەكتە ساعات 01.48-دە Lexus LX 470 اۆتوكولىگى اۋدارىلىپ كەتتى. كولىك جۇرگىزۋشىسى 27 جاستاعى قىز قازا تاپتى. ەكىنشى كوز جۇمعان ايەل - 1966 -جىلى تۋعان. ءۇشىنشى مەرت بولعان ايەل - 31 جاستاعى كەلىنشەك، جاڭاوزەن قالاسىنىڭ تۇرعىنى. ول جۇكتىلىكتىڭ 27- اپتاسىندا بولعان. قالعان ەكى جولاۋشى 1964 جانە 1967 -جىلدارى تۋعان ەر ادامدار. جول- كولىك وقيعاسى سالدارىنان بارلىعى توعىز ادام زارداپ شەكتى»، - دەلىنگەن حابارلامادا.

سونداي- اق، 2011، 2012 جانە 2019 -جىلدارى تۋعان ءۇش بالا جەتىباي اۋداندىق اۋرۋحاناسىنا جەتكىزىلدى. زارداپ شەككەندەرگە ميدىڭ جابىق جاراقاتى، ماڭداي مەن شىنتاق بۋىنىنىڭ جاراقاتتانۋى، راديۋستىڭ جابىق سىنۋى، تراۆماتيكالىق شوك دياگنوزى قويىلعان. دارىگەرلەر ەكى بالانىڭ جاعدايىن اۋىر، ال ءۇشىنشىسىنىڭ جاعدايىن ورتاشا اۋىر دەپ باعالاپ وتىر.

دەنساۋلىق ساقتاۋ باسقارماسىنىڭ حابارلاۋىنشا، بۇگىن سانيتارلىق كولىكتىڭ كومەگىمەن ءۇش بالا وبلىستىق بالالار اۋرۋحاناسىنا اۋىستىرىلادى دەپ جوسپارلانعان.

«2013 -جىلى تۋعان تاعى ءبىر كامەلەتكە تولماعان بالانى تۇندە جەدەل جاردەم كولىگىن كۇتپەي، ىلەسپە ماشينامەن ماڭعىستاۋ وبلىستىق كوپبەيىندى بالالار اۋرۋحاناسىنا جەتكىزدى. قازىرگى ۋاقىتتا بالا جانساقتاۋ بولىمىندە جاتىر. ونىڭ جاعدايى وتە اۋىر. ميدىڭ گەمورراگيالىق كونتۋزياسىن، Ⅱ دارەجەلى مي كوماسىن، Ⅱ دارەجەلى تراۆماتيكالىق شوك الدى. ءو ج ج اپپاراتىنا قوسىلعان»، - دەلىنگەن باسپا ءسوز حابارلاماسىندا.

اۆتور: قاراكوز مارات

Басты сөздер: قوعام,
Жоғары қарай