Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەلوردادا قازاقستانعا كەلۋ ەرەجەسىن بۇزعان 675 شەتەلدىك انىقتالدى

2021 жылдың 8 желтоқсан 2021 22:15

نۇر-سۇلتان. قازاقپارات - ەلوردادا 6-12- جەلتوقسان ارالىعىندا «ميگرانت» رەسپۋبليكالىق جەدەل الدىن الۋ ءىس-شاراسى ءوتىپ جاتىر، دەپ حابارلايدى قازاقپارات ءتىلشىسى.

نۇر-سۇلتان قالالىق پوليتسيا دەپارتامەنتىنىڭ مالىمەتىنشە، ءىس-شارانىڭ ماقساتى - ەلوردانىڭ كوشەلەرى مەن قوعامدىق ورىندارىندا ءتيىستى قۇقىقتىق ءتارتىپتى قامتاماسىز ەتۋ، زاڭسىز كوشى-قوننىڭ الدىن الۋ جانە جولىن كەسۋ.

«جەدەل الدىن الۋ ءىس-شاراسىنىڭ ەكى كۇنى ىشىندە ەلوردالىق گارنيزون شەتەلدىك ازاماتتاردىڭ كەلۋ ەرەجەسىن بۇزۋىنىڭ 675 فاكتىسى انىقتالدى. اكىمشىلىك جاۋاپكەرشىلىككە 471 شەتەلدىك تارتىلدى. شاقىرىلعان شەتەلدىكتەردىڭ بەكىتىلگەن ەرەجەنى، سونىمەن قاتار شەتەلدىك جۇمىس كۇشىن تارتۋ ەرەجەسىن بۇزعانى ءۇشىن 180 ازامات جانە شەتەلدىكتەردىڭ ەڭبەك قىزمەتىن زاڭسىز جۇزەگە اسىرلعانى ءۇشىن قازاقستان رەسپۋبليكاسىنىڭ 24 ازاماتى جاۋاپقا تارتىلىپ وتىر. سونىمەن قاتار ىزدەۋدە جۇرگەن 5 قىلمىسكەر، ونىڭ ىشىندە قازاقستان رەسپۋبليكاسىنىڭ 4 جانە شەتەلدىك 1 ازامات ۇستالدى»، - دەپ اتاپ وتەدى ۆەدومستۆودان.

Басты сөздер: قوعام,
Жоғары қарай