Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەلوردادا 6 مىڭنان استام دارىگەر كوروناۆيرۋس ىندەتىمەن كۇرەسىپ جاتىر

2021 жылдың 15 шілде 2021 22:13

نۇر-سۇلتان. قازاقپارات - قازىرگى ۋاقىتتا نۇر-سۇلتان قالاسىندا COVID-19 ىندەتىنە شالدىققان ناۋقاستاردى 6 مىڭنان استام دارىگەر ماماندار ەمدەۋ ۇستىندە، دەپ حابارلايدى قازاقپارات ءتىلشىسى.

«لوكداۋن ماسەلەسى بۇگىندە ءبارىن تولعاندىرىپ وتىر. ارينە قيىن جاعداي، ءبىراق ءبارى وزىمىزگە بايلانىستى. ەگەر ءبىز جەكە باس قاۋىپسىزدىگىن الدىڭعى ورىنعا قويساق، جاعداي وزگەرەدى. قاراپايىم عانا ماسكا تاعۋ، اراقاشىقتىق ساقتاۋ، كوپشىلىك جينالاتىن ورىنعا بارماۋ دەگەن سەكىلدى قاعيدالاردى ساقتاساق جەتىپ جاتىر. سونداي-اق، ارينە ۆاكسينا الۋ دا ماڭىزدى. ۆيرۋستىڭ قول-اياعى جوق ونى تاراتىپ، جۇقتىراتىن ءوزىمىز. ياعني ساقتانساق، ىندەتكە شالدىعۋشىلاردىڭ سانى ازايادى، تيىسىنشە لوكداۋن ەنگىزۋ ماسەلەسى دە جويىلادى. ال ىندەتتىك جاعداي ۇدەلەۋىن توقتاتپاسا، وندا قوسىشما شارا قابىلداۋعا تۋرا كەلەدى. سەبەبى قانشاما جان اۋىرىپ، ودان قالدى مەرت بولىپ جاتقاندا، شۇعىل ءارى وڭتايلى شەشىم قابىلداۋ تالاپ ەتىلەدى»، - دەدى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.

باسقارما باسشىسى ىندەت ءورشي تۇسكەن جاعدايدا قوسىمشا گوسپيتال اشىپ، توسەك-جايلاردىڭ سانىن ارتتىرىپ، سول سياقتى قاجەتتى قۇرال-جابدىقتار مەن ءدارى-دارمەكپەن قامتىلاتىنىن ايتتى.

«اۋرۋمەن كۇرەستە ماماندار ماسەلەسىن دە ۇمىتپاعان ءجون. قازىرگى ۋاقىتتا ەلوردادا 6 مىڭنان استام دارىگەر مەن مەدبيكە ىندەتپەن كۇرەسىپ جاتىر. جالپى قالادا 21 مىڭ مەديتسينا قىزمەتكەرى ەڭبەك ەتىپ جاتىر. جاعداي ناشارلاي تۇسسە، ىندەتپەن كۇرەسكە قوسىمشا ماماندار تارتاتىن بولامىز، ونىڭ ۇستىنە كوروناۆيرۋستان باسقا دا اۋرۋدان ەمدەلىپ جاتقان جاندار بار»، - دەيدى ول.

Басты сөздер: استانا,
Жоғары қарай