Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قىتايدا حالىقتىڭ %76,8 كوروناۆيرۋسقا قارسى ۆاكسينالاندى

2021 жылдың 26 қараша 2021 11:09

بەيجىڭ. قازاقپارات - قۇرلىقتىق قىتايدا 1,08 ميلليارد ادام كوروناۆيرۋسقا قارسى ۆاكسينالاۋدىڭ تولىق كۋرسىنان ءوتتى، بۇل ەل تۇرعىندارىنىڭ 76,8 پايىزىن قۇرايدى.

بۇل تۋرالى گۋاڭجوۋدا (ق ح ر گۋاندۋن پروۆينتسياسى) وتكەن قىتاي ينتەرنەت- مەديا فورۋمىنىڭ بارىسىندا ەلدىڭ جەتەكشى ەپيدەميولوگى چجۋن نانشان ءمالىم ەتتى، دەپ حابارلايدى «قازاقپارات» ح ا ا ءتىلشىسى.

ول سونداي- اق قىتايدا COVID-19 جۇقتىرۋ دەڭگەيى 100 مىڭ ادامعا شاققاندا 8,9 وقيعانى قۇرايتىنىن، ال ءولىم دەڭگەيى - 100 مىڭ ادامعا شاققاندا 0,4 ءتى قۇراپ وتىرعانىن اتاپ ءوتتى. وتكەن تاۋلىكتە قۇرلىقتىق قىتايدا كوروناۆيرۋستى جۇقتىرۋدىڭ راستالعان جاڭادان 13 وقيعاسى انىقتالدى، ءولىم تىركەلمەگەن.

بۇل رەتتە، ۆيرۋسقا شالدىعۋدىڭ جەرگىلىكتى 4 جاعدايى لياونين پروۆينتسيالارى (داليان قالاسى) مەن شانحاي قالاسىنان انىقتالعان. سوڭعى رەسمي مالىمەت بويىنشا، قۇرلىقتىق قىتايدا COVID-19 ۆيرۋسىنا شالدىققان پاتسيەنتتەردىڭ %94,42 ساۋىعىپ شىقتى. 2019 -جىلدىڭ جەلتوقسانىنان بەرى كوروناۆيرۋس جۇقتىرعاندار سانى 98,5 مىڭ ادامعا جەتىپ، 4636 ادام قايتىس بولعان.

Басты сөздер: الةم,
Жоғары қарай