Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

جۋسان وپەراتسياسى: 77 ايەل راديكالدى يدەولوگيادان باس تارتتى

2021 жылдың 28 қазан 2021 15:03

نۇر- سۇلتان. قازاقپارات - «جۋسان» وپەراتسياسىنىڭ ناتيجەسىندە قازاقستاندىق 77 ايەل راديكالدى يدەولوگيادان ءوز ەركىمەن باس تارتتى.

بۇل تۋرالى ق ر تەرروريزمگە قارسى ورتالىق شتابىنىڭ ءبولىم باسشىسى جاناربەك جاڭابايەۆ ءمالىم ەتتى، دەپ حابارلايدى قازاقپارات ءتىلشىسى.

«سيريادا تەرروريستىك ۇيىمداردىڭ قۇربانى بولىپ، «جۋسان» وپەراتسياسىنىڭ ارقاسىندا قۇرقارىلعان ءبىرقاتار وتانداستارىمىز تۋرالى بىلەسىزدەر. اتالعان وپەراتسيا الدىندا دايىندىق جۇمىستارى جۇرگىزىلدى. ارنايى توپ سيرياعا بارىپ جاعدايدى باقىلاۋدى، ونىڭ جوسپارى ازىرلەندى. «جۋسان» وپەراتسياسى ارقىلى ارقىلى بارلىعى 607 قازاقستاندىق ەلگە ورالدى. ونىڭ ىشىندە 37 ەركەك، 157 ايەل جانە 413 بالا (سونىڭ ىشىندە 34 جەتىم بالا) ەلگە امان- ساۋ جەتكىزىلدى. سونىمەن قاتار 59 ادام قىلمىستىق جاۋاپقا تارتىلدى. قازاقستانعا كەلگەن سوڭ وتانداستارىمىزدى بەيبىت ومىرگە بەيىمدەۋ شاراسى وتكىزىلدى. ناتيجەسىندە 88 ايەل يسلامدى قايتا قابىلداپ، 77 ايەل راديكالدى يدەولوگيادان باس تارتتى»، - دەدى جاناربەك جاڭابايەۆ رەسپۋبليكالىق كونفەرەنسيا بارىسىندا.

ونىڭ ايتۋىنشا، «جۋسان» وپەراتسياسىنا كوپتەگەن ەلدەر قىزىعۋشىلىق تانىتىپ جاتىر.

«ءبىزدىڭ تاجىريبەمىزگە قىزىعۋشىلىق تانىتىپ جاتقان ءبىراز ەلدەر بار. قازاقستاندا تەرروريزمگە قارسى جانە الدىن الۋعا قاتىستى شارالار مەملەكەتتىك دەڭگەيدە 2000 -جىلدارى قولعا الىندى. سودان بەرى 20 جىلدان استام ۋاقىتتىڭ ىشىندە مەملەكەتتىك دەڭگەيدەگى شەشىمدەر ءوز ناتيجەسىن بەرىپ وتىر. تەرروريزممەن كۇرەستە بارلىق مەملەكەتتىك جانە قۇزىرلى ورگاندار ءوزارا تىعىز بايلانىستا جۇمىس ىستەپ كەلەدى»، - دەيدى ول.

ايتا كەتەيىك، بۇگىن ەلوردادا تەرروريستىك قاۋىپ- قاتەرگە قارسى كۇرەس تاقىرىبىنا ارنالعان 8- رەسپۋبليكالىق كونفەرەنسيا ءوتىپ جاتىر. اتالعان شارادا قاۋىپسىزدىكتى نىعايتۋ سالاسىنداعى بۇگىنگى احۋال مەن تەندەنسيالار ورتاعا سالىنىپ جاتىر. جانە كونفەرەنسيا ق ر ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىعىنىڭ ۇيىتقى بولۋىمەن وتۋدە.

اۆتور: ءالي يبرايەۆ

Басты сөздер: بيلئك جانة ساياسات,
Жоғары қарай