Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تەرروريزم، كىسى ءولتىرۋ، قارۋ ۇرلاۋ: جاپپاي ەرەۋىلدەن كەيىن 819 قىلمىستىق ءىس قوزعالعان

2022 жылдың 22 қаңтар 2022 17:50

نۇر- سۇلتان. قازاقپارات - ەلىمىزدىڭ باس پروكۋراتۋراسى ەلدە بولعان جاپپاي ەرەۋىلگە قاتىستى سوڭعى رەسمي مالىمەتتى ءبولىستى، دەپ حابارلايدى قازاقپارات ءتىلشىسى.

«جاپپاي تارتىپسىزدىكتەن كەيىن قايتا قالپىنا كەلتىرۋ شاراسى ءجۇرىپ جاتىر. ونىڭ سالدارىنان زارداپ شەككەن ادامدار مەن بيزنەس نىساندارىنا قاتىستى وقيعالاردى تەرگەۋ ەرەكشە نازاردا. بۇگىندە جەدەل تەرگەۋ توبى 819 قىلمىستىق ءىستى تەرگەپ جاتىر. ونىڭ 45- ءى - لاڭكەستىك اكتىسى، 36 جاپپاي تارتىپسىزدىك، 15 كىسى ءولىمى بويىنشا. سونىمەن قاتار ۇرلىق، توناۋ، قارۋدى جىمقىرۋ جانە بيلىك وكىلىنە قاتىستى كۇش قولدانۋ فاكتىلەرى بويىنشا قىلمىستىق ىستەر قارالىپ جاتىر»، - دەدى ق ر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، اتالعان قىلمىستىق ىستەرگە قاتىسى بار 973 كۇدىكتى قاماۋعا الىنعان.

«ونىڭ ىشىندە 182 كۇدىكتى سوتتىڭ سانكسياسىمەن كۇزەتتىڭ قاراۋىنا الىندى. سونىمەن قاتار 29 ءۇيقاماقتا. جانە 464 ادام لاڭكەستىك ارەكەت جانە جاپپاي تارتىپسىزدىك بويىنشا ۇستالدى. ودان باسقا 226 ادام - ۇرلىق، 60 - قارۋدى زاڭسىز ساقتاۋ جانە 39 ادام - قارۋ ۇرلاۋ، 25 - بۇزاقىلىق، 21 ادام توناۋ ءىسى بويىنشا قاماۋعا الىندى. باسقا دا قىلمىستىق ىستەر بويىنشا ۇستالعان كۇدىكتىلەر بار»، - دەيدى ول.

اۆتور: ءالي يبرايەۆ


Басты сөздер: بيلئك جانة ساياسات,
Жоғары қарай