Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

اتىراۋلىق الاياق 97 ادامنىڭ اتىنان كرەديت العان

2022 жылдың 19 мамыр 2022 08:10

اتىراۋ. قازاقپارات - اتىراۋدا الاياق 97 ادامنىڭ اتىنا ونلاين- نەسيەنى زاڭسىز راسىمدەگەن، دەپ حابارلايدى قازاقپارات.

اتىراۋ وبلىسى پروكۋرورىنىڭ ورىنباسارى ابزال گيليمنىڭ ايتۋىنشا، سوڭعى كەزدە ونلاين- نەسيە بەرۋمەن اينالىساتىن ميكروقارجىلىق ۇيىمدار سانى كوبەيگەن. بۇعان وسىنداي ۇيىمداردان نەسيە الۋدىڭ تەز ءارى وڭاي بولاتىنى اسەر ەتكەن.

«مۇنى الاياقتار ءوز ماقساتىنا پايدالانىپ، ەشتەڭەگە كۇدىكتەنبەيتىن ازاماتتارعا ميكروقارجىلىق ۇيىمداردان ونلاين-نەسيەلەردى راسىمدەۋدە. بۇل تۋرالى جابىرلەنۋشىلەر وزدەرىنىڭ بانكتىك شوتتارى بۇعاتتالعان كەزدە نەمەسە سوت ورىنداۋشىلارىنان قوڭىراۋلار تۇسكەن كەزدە بىلەدى»، - دەيدى وبلىس پروكۋرورىنىڭ ورىنباسارى ابزال گيليم.

ماسەلەن، «چ.» دەگەن ەر ادام بوتەن ادامداردىڭ جەكە مالىمەتتەرىن پايدالانىپ، ميكروقارجىلىق ۇيىمداردان ونلاين-نەسيەلەردى زاڭسىز رەسىمدەگەن. ونىڭ وسىنداي زاڭسىز ارەكەتىنەن ءوڭىردىڭ 97 تۇرعىنى زارداپ شەككەن. قازىر الاياقتىڭ زاڭسىز ارەكەتىنە قىلمىستىق ءىس سوتتا قارالىپ جاتىر. «وسىعان بايلانىستى وبلىس پروكۋراتۋراسى ازاماتتاردى ساق بولۋعا جانە بەيتانىس ادامدارعا وزدەرىنىڭ دەربەس دەرەكتەرىن (ج س ن، جەكە كۋالىك نومىرلەرىن جانە ت. ب. ) جولداماۋعا، الەۋمەتتىك جەلىلەردە تولەم كارتالارىنىڭ دەرەكتەمەلەرىن جاريالاماۋعا، كۇماندى ينتەرنەت- رەسۋرستاردا وزدەرىنىڭ بانكتىك كارتالارىنىڭ دەرەكتەرىن ەنگىزبەۋگە كەڭەس بەرەدى. ينتەرنەت- الاياقتىق فاكتىلەرى انىقتالعان جاعدايدا ازاماتتار قۇقىق قورعاۋ ورگاندارىنا حابارلاسۋى قاجەت»، - دەپ ءمالىم ەتتى ابزال گيليم.

Басты сөздер: قوعام,
Жоғары қарай