Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Адам құқықтары жөніндегі уәкілге қатысты қандай шектеулер болады

2021 жылдың 13 қазан 2021 17:15

НҰР-СҰЛТАН. ҚазАқпарат – Мәжілісте заң жобасын таныстыру кезінде депутат Ирина Унжакова Адам құқықтары жөніндегі уәкілге қатысты шектеулер енгізілетінін айтты, деп хабарлайды ҚазАқпарат тілшісі.

«Уәкіл саяси қызметке қатыспауы керек және партия мүшесі болмауы тиіс. Заң жобасында оның мемлекеттік қызметте болмау керектігі жазылған.

Сонымен бірге, Венеция ұстанымдарына сәйкес, мемлекет бюджеттік жеткілікті қаржыландыруды қамтамасыз етуі керек. Сондықтан бұл мәселені біз қарастырамыз және оны реттеу қадамдары ескеріледі», - И. Унжакова Мәжілісте «Қазақстан Республикасындағы Адам құқықтары жөніндегі уәкіл туралы» заң жобасын таныстыру кезінде.

Бұдан бұрын хабарланғандай, Адам құқықтары жөніндегі уәкілдің мәртебесін көтеретін қадамдар іске асырылады.

«Заң жобасында дербес құқықтылыққа ие болу сияқты қосымша бар. Бұл өз кезегінде осы қызмет үшін маңызды. Яғни Уәкіл тұтқындалмайды, қамауға алынбайды, қылмыстық әрі әкімшілік жауапқа тартылмайды, сондай-ақ оған қатысты тінту мен жеке тексеру де жүргізілмейді», - деді депутат.

Айта кетейік, Адам құқықтары жөніндегі уәкілдің қызметіне араласқандарға әкімшілік жаза қарастырылған.



Жоғары қарай