Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Әділбек Сәрсембаев Ұлттық геологиялық қызмет құрудағы басты мақсатты атады

2021 жылдың 20 қазан 2021 11:43

НҰР-СҰЛТАН. ҚазАқпарат – Индустрия және инфрақұрылымдық даму вице-министрі Әділбек Сәрсембаев Ұлттық геологиялық қызмет құрудағы басты мақсатты атады, деп хабарлайды ҚазАқпарат тілшісі.

«Мемлекет басшысы Жолдауында атап өткендей, еліміздің ресурстық әлеуеті толығымен ашылған жоқ. Геологиялық зерттелуі де төмен деңгейде қалып отыр. Бұл бағытта іздеп табу технологияларын жақсартып, инвестицияны арттыру қажет. Инвесторларға кешенді қолдау көрсететін Ұлттық геологиялық қызмет құру геологиялық ақпараттардың ашық цифрлық мәліметтер базасын әзірлеуге жол ашып, еліміздегі геологиялық барлауды дамытуда маңызды рөл атқаратын болады», - деді вице-министр елордада өтіп жатқан Astana Mining & Metallurgy 11-ші тау-кен металлургиялық конгресі барысында.

Вице-министр дамудың шикізаттың моделінен қайта өңдеу моделіне көшу аясында қайта өңдеу өндірісін дамыту міндеті тұрғанын баса айтты.

«Бұл үшін бүгінде Үкімет «Өнеркәсіптік саясат туралы» заң әзірледі. Оның мақсаты - бәсекеге қабілетті, жоғары технологиялық, экспортқа бағдарланған өнім өндірісін арттыру және дамудың шикізаттың мөделінен бас тарту арқылы өңдеу өнеркәсібінің тұрақты дамуын қамтамасыз ету»,- деді ол.





Жоғары қарай