Ауа райы
Астана 6 °С
Алматы 11 °С
валюта бағамы
USD 421.58
EUR 496.83
RUB 5.53
CNY 62.20

Ақмолада 29 жастағы әйел дүкенге бару үшін біреудің көлігін мініп кеткен

2020 жылдың 22 қыркүйек 2020 14:13

КӨКШЕТАУ. ҚазАқпарат - Ақмола облысында 29 жастағы әйел дүкенге бару үшін біреудің көлігін мініп кетіп, жол апатына ұшыраған, деп хабарлайды ҚазАқпарат тілшісі облыстық ПД баспасөз қызметіне сілтеме жасап.

Ведомствоның мәліметінше, Атбасар аудандық полициясы кезекші бөліміне 31 жастағы жергілікті тұрғын хабарласып, досының құрбысы «Volkswagen Golf» көлігін айдап әкеткенін айтқан.

«Көлік ұрланғаны жөнінде жол-патруль полиция батальонының экипажы мен жасағына ескертілді. Жедел ұстау шарасы кезінде көлік тереңдігі 1,5 метр орға құлап, қираған күйінде табылды. Осының салдарынан көлік иесіне 1,3 миллион теңге материалдық шығын келген», - дейді ведомстводан.

Тәртіп сақшылары 29 жастағы әйелді ұстады. Күдіктінің сөзінше, ол иесі қараусыз қалдырған көлікке отырып, дүкенге бармақ болған. Алайда, жарты жолда жолдан шығып кетіп, көлікке зақым келген. Қорыққан ол көлікті тастап кетіп қалған.

«Қазірге кезде күдіктінің үстінен Қылмыстық кодекстің «біреудің автомобилін ұрлау мақсатынсыз заңсыз міну» бабы бойынша сотқа дейінгі тергеу амалдары жүргізілуде» деп толықтырды ведомстводан.

Жоғары қарай