Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ақмолада 53 сотталушы өздеріне тиесілі жәрдемақыны алмаған - прокуратура

2022 жылдың 26 мамыр 2022 08:19

КӨКШЕТАУ. ҚазАқпарат - Ақмола облысындағы түзеу мекемелерінің бірінде жергілікті атқарушы органдардың және мекеме әкімшілігінің кінәсінен әлеуметтік мәнді аурулары бар 53 сотталған азамат мемлекеттен өздеріне тиесілі жәрдемақы түріндегі көмектерін алмаған, деп хабарлайды ҚазАқпарат.

Ақмола облыстық прокуратурасының қылмыстық-атқару жүйесі мекемелеріндегі кешенді тексеру шаралары барысында сотталғандардың конституциялық құқықтарының бұзылғанын анықтады.

«Тексеру нәтижесінде қадағалау актілері енгізіліп, 53 сотталған адам ауруы бойынша әлеуметтік көмек алды, бұзылған құқықтары қалпына келтірілді. Прокурорлық қадағалау актілері бойынша 26 тәртіптік жауапкершілікке, 3 ҚАЖ қызметкері әкімшілік жауапкершілікке тартылды, бұзушылықтар жойылды», - деп жазды ведомстводан.


Жоғары қарай