Ауа райы
Астана -12 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Ақмолада Абайдың 175 жылдығына орай шығармашылық байқау өтті

2020 жылдың 29 қазан 2020 20:38

КӨКШЕТАУ. ҚазАқпарат – Ақмола облысының «Рухани жаңғыру» өңірлік жобалық кеңсесі мен облыстық оқыту-әдістемелік орталығы бірлесіп, Абайдың 175 жылдығына арналған республикалық «Біз – Абай жолындамыз!» конкурс-эссе онлайн байқауын ұйымдастырды, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Байқауға еліміздің әр өңірінен 40-тан астам студент қатысып, бақ сынады. Байқаудың алғашқы кезеңінде қатысушылар «Абай жолын» қазақ және орыс тілдерінде оқып берді. Алғашқы кезеңнен сүрінбей өткен 20 қатысушы финалға шықты. Финалда ZOOM арқылы облыстық оқыту-әдістемелік орталығының вебинарына қосылып, «Абай жолы» романы бойынша 45 минуттың ішінде «Атаның ұлы емес, елінің ұлы» және «Духовная натура поэта и мелодия любви» тақырыбында шығарма жазды.

«Байқауға қатысып, жеңімпаз атанғаныма қуаныштымын. Мұқтар Әуезов ақынның ішкі жан дүниесін жақсы көрсете алды. Абайдың ішкі жан дүниесі «Абай жолы» романында жан – жақты, оқырманға түсінікті етіліп суреттелген. Оқыған адамның Абай мен оның шығармашылығына қызығушылығы артады», – дейді Шоқан Уәлиханов атындағы Көкшетау мемлекеттік университетінің студенті Аслан Әбутәліпов.

Байқау жеңімпаздары грамота және бағалы сыйлықт армен марапатталды. Шараның Ұлы ақынның баға жетпес рухани мұрасын насихаттауға арналып отыр.

Жоғары қарай