Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ақмолада карантин режимін бұзғандар 27 млн теңге айыппұл төледі

2022 жылдың 23 қаңтар 2022 00:37

КӨКШЕТАУ. ҚазАқпарат - Ақмола облысында үй карантинін бұзғаны үшін жеке тұлғаларға 522 әкімшілік айыппұл салынды, оның жалпы сомасы 27,6 миллион теңгеден асады. Бұл туралы брифинг барысында Ақмола облысының бас мемлекеттік санитарлық дәрігері Айнагүл Мусина мәлім етті, деп хабарлайды ҚазАқпарат тілшісі.

Оның айтуынша, Ақмола облысында «Ashyq» қосымшасының бүкіл жұмыс кезеңінде 2304 карантин бұзушы анықталды. Оның 599-ы «сары» мәртебесімен және 1705-і «қызыл» мәртебесімен. Бұл адамдар кәсіпкерлік объектілеріне жіберілмеген, үй карантинін сақтау туралы түсіндіру жұмыстары жүргізілген, сондай-ақ карантиндік шектеу шараларын сақтау үшін анықталған адамдардың тұрғылықты жері бойынша ақпарат жіберілген.

Үй карантинін бұзғаны үшін жеке тұлғаларға 522 әкімшілік айыппұл салынды, олардың жалпы сомасы 27605769 теңгені құрады.

«Ведомствоаралық комиссияның отырысында карантин мерзімін 10 күнге дейін қысқарту туралы шешім қабылданды, сондай-ақ жетінші күні ПТР-тест тапсыруға және теріс нәтиже болған жағдайда жұмысқа кірісуге болады. Ақпараттық жүйелерде 20 қаңтардан бастап карантин мерзімі ВАК - та қабылданған шешімді ескере отырып көрсетіледі», - деп атап өтті өңірдің бас мемлекеттік санитарлық дәрігері.

Сондай-ақ А.Мусина әлеуметтік желілерде таратылған КВИ науқастарына картамен немесе QR төлеуге болмайтындығы туралы хабарламаны жоққа шығарды, оларға бұл үшін айыппұл салынады.

«Әлеуметтік желілерге жіберілетін бұл ақпарат дұрыс емес, себебі чекин жүргізу үшін Ashyq бойынша мобильді қосымшалардың көмегімен кәсіпорын алған QR-кодты сканерлеу қажет. Сонда ғана ол базада бекітіледі. Карта немесе QR-код арқылы төлем жасаған кезде мәртебе тексерілмейді», - деп атап өтті А.Мусина.

Ол атап өткендей, «Ashyq» көшбасшыларының 74-ін талдау барысында олардың ішінде 49 білім беру нысаны, 12 қоғамдық тамақтану саласы, үш коммуналдық нысан, екі сауда объектісі тәрізді нысандар бар екендігі анықталды. Ал 2686 аутсайдерден 772 сауда объектісі, 436 мемлекеттік органдар объектісі, 369 білім беру объектісі, 257 қоғамдық тамақтану объектісі, 321 қызмет көрсету және қызмет көрсету саласы объектісі, 102 сауда және ойын-сауық орталығы, 61 мәдениет объектісі бар.

«Қоғамдық тамақтану объектілері аутсайдердің басым бөлігін Көкшетау-59, Бурабай ауданында-47 және Целиноград ауданында-45 құрайды, қалған аудандарда аз», - деп қорытындылады А.Мусина.



Перевод Аслан Оспанов
Басты сөздер: Ақмола облысы, Карантин,
Жоғары қарай