Ауа райы
Астана 25 °С
Алматы 26 °С
валюта бағамы
USD 405.69
EUR 455.51
RUB 5.72
CNY 57.42

АҚШ-та торнадодан 25 адам қаза тапты

2020 жылдың 4 наурыз 2020 12:03

НЭШВИЛЛ. ҚазАқпарат – Американың Теннеси штатының губернаторы Уильям Ли сейсенбі күні штаттың орталық бөлігіне келген екі торнадодан қаза тапқандар саны 25 адамға жеткенін мәлім етті. Теннесидің ең үлкен қаласы Нэшвиллде торнадо үйлер мен ғимараттарды қиратты, деп хабарлайды ҚазАқпарат BBC-ге сілтеме жасап.

Америкалық БАҚ дауыл түн ортасында болғандықтан, көптеген адамдардың паналап үлгермегенін хабарлады.

Президент Дональд Трамп жұма күні штатқа баруды жоспарлап отырғанын мәлім етті.

Губернатор Ли бірнеше адамның із-түзсіз жоғалып кеткенін баспасөз мәслихатында айтты.

Тұрғындардың бірінің айтуынша, Нэшвилл «әскери қақтығыстар аймағына» ұқсап кеткен.

Табиғи апаттан Нэшвиллден шығысқа қарай 130 шақырым қашықтықтағы Путнэм округі қатты зардап шеккен. Мұнда торнадо 19 адамның өмірін жалмаған.




Уилсон округінде үш адамның, екеуі Дэвидсон және бірі Бентонда қаза тапқаны хабарланды.

Нэшвилл мэрі Джон Купер қаланың «қаңырап» қалғанын айтты және адамдарды «көршілерге көмек қолын созуға» шақырды.

Мэр Купердің айтуынша, 150 зардап шегуші медициналық мекемеге жеткізілген.

Қалада іздеу-құтқару жұмыстары жүріп жатыр. 44 мыңға жуық адам жарықсыз қалып, әуежай қызметіне кедергі келтірген.

Ресми өкілдер қаладағы мектептердің, соттар мен автопарктердің жабылатынын жариялады.





Басты сөздер: Америка, Әлем, АҚШ,
Жоғары қарай