Ауа райы
Астана -14 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Ақтөбеде 3 жасар баладан коронавирус анықталды

2020 жылдың 21 қазан 2020 12:31

АҚТӨБЕ. ҚазАқпарат – Соңғы тәулікте Ақтөбеде 3 адамнан коронавирус инфекциясы анықталды. Оның біреуі 3 жасар бала, деп деп хабарлайды ҚазАқпарат тілшісі.

Ақтөбеде 46 жастағы әйел жөтеліп, дене қызуы көтеріліп, дәрігер көмегіне жүгінген. Кейін одан ПТР сынама алынып, вирустық инфекция жұқтырғаны анықталды. Бұған дейін оның Ресейге барғаны белгілі болды.

«Шалқар ауданының 28 жастағы тұрғыны өз еркімен сынама тапсырып, одан КВИ анықталды. Сонымен бірге 3 жастағы ақтөбелік те COVID-19 дертінің симптомсыз түріне шалдықты. Бала балабақшаға бармайды. Бұрын әкесі КВИ-дің симптомсыз түріне шалдығып, ұлынан ПТР сынама алынған болатын», - деп хабарлады Ақтөбе облыстық тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.

Белгілі болғандай, облыста барлығы 3273 жағдай тіркелді. Олардың 3218-і, яғни, 98,4% жазылып шықты. Қазіргі таңда үй карантиніне 71 адам жатыр.


Жоғары қарай