Ауа райы
Астана -6 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Ақтоты Райымқұлова: Димаш Құдайберген Қазақстанның брендіне айналды

2020 жылдың 19 қазан 2020 15:41

НҰР-СҰЛТАН. ҚазАқпарат – Мәдениет және спорт министрі Ақтоты Райымқұлова Димаш Құдайбергенді қолдап жатқан демеушілердің бәріне алғысын айтты, деп хабарлайды ҚазАқпарат тілшісі.

«Әлбетте ең алдымен біз Димаштың әрбір жетістігі үшін қуанатынымызды айта кеткім келеді. Ол – Қазақстанның азаматы. Осында оқыды, колледжді бітірді, Қазақ өнер университетін аяқтады. Өткен жылы магистр дипломын алды. Мемлекеттік шәкіртақымен бірге ол «Дарын» сыйлығы мен «Қазақстанның еңбек сіңірген қайраткері» атағын алды. Бұл – құрметі жоғары атақ», - деді Ақтоты Райымқұлова.

Министр өз сөзінде Димаштан әрдайым қызықты жобаларды күтетінін білдірді.

«Мәдениет және спорт министрлігі өз тарапынан оны қолдайды, Нұр-Сұлтандағы, Мәскеудегі, Америкадағы кештерін өткізуге атсалыстық. Қазіргі таңда оған өте көп демеуші көмек көрсететіні айта кеткім келеді. Ол Қытайдағы «I am singer» байқауының жеңімпазы болғандықтан, келісімшартқа сәйкес жеңімпаз сондағы белгілі бір шараларға қатысуы керек. Димаш «Славян базары» байқауында жеңген кезде де ол сол жақтағы (Беларусь) концерттерге қатысқан еді. Әрине Қытайдың продюссерлері Димашпен жұмыс жүргізуге асық. Димаш Құдайберген Қазақстанның брендіне айнала бастады. Әрине біздің міндетіміз – оны қолдау», - деді Ақтоты Райымқұлова.


Жоғары қарай