Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Альварестің жеңілісі оның табысын арттыра түсті - сарапшы

2022 жылдың 25 мамыр 2022 21:01

НҰР-СҰЛТАН. ҚазАқпарат - ESPN Deportes сарапшысы Фернандо Барбоса мексикалық боксшы Сауль «Канело» Альварестің коммерциялық табысына қатысты пікірімен бөлісті, деп хабарлайды ҚазАқпарат Sports.kz сайтына сілтеме жасап.

«Менен біреу әлемдегі ең табысты боксшы кім деп сұрап еді... Ол сөзсіз Сауль Альварес... Биволға қарсы айқастағы жеңілісі оны одан да табыстырақ ете түсті. GGG-ді соққымен ұрып құлатса, тағы да пайдаға кенеледі. Биволға қарсы реванш өте көп ақша әкеледі!», - деп есептейді сарапшы.

Айта кетсек, Головкин — «Канело» үшінші жекпе-жегі 17 қыркүйекте екінші орта салмақта өтеді. Альвареске тиесілі WBC, WBA, IBF және WBO әлем чемпионы титулдары сарапқа салынады.

Мамыр айының басында Сауль Альварес ресейлік Дмитрий Биволдан жеңіліп қалды.



Басты сөздер: Спорт, Бокс, Геннадий Головкин,
Жоғары қарай