Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алакөл, Балқаш көлдерінен заңсыз балық аулау тыйылмай тұр

2021 жылдың 4 маусым 2021 13:28

ТАЛДЫҚОРҒАН. ҚазАқпарат - Алматы облысының Алакөл, Балқаш көлдерінде браконьермен күрес жүріп жатыр. Республикалық «Браконьер» жедел профилактикалық іс-шарасы 17 маусымға дейін жалғасады, деп хабарлайды ҚазАқпарат тілшісі.

Соңғы бес айдың ішінде заңсыз балық, аң аулағандардың үстінен 15 қылмыстық іс қозғалған.

«Оның ішінде 7 қылмыстық іс ҚР ҚК-нің 335 бабы яғни, балық ресурстарын, басқа да су жануарларын заңсыз аулау фактісі бойынша, 8 қылмыстық іс ҚР ҚК-нің 337 бабы яғни, заңсыз аң аулағаны үшін қозғалған. Қазіргі таңда 9 қылмыстық іс Балқаш аудандық сотына заңды шешім қабылдану үшін жолданды», - деді Балқаш аудандық Полиция бөлімі бастығының бірінші орынбасары Нұргелді Әбиров.

Сонымен қатар, 2021 жылдың 4 ай қорытындысы бойынша балық аулау қағидаларын өрескел бұзғаны үшін әкімшілік жауапкершілікке тарту мақсатында 59 жеке тұлғаға қатысты іс-материалдары сот органдарына жолданды.

«Заң бұзушылардан жыл басынан 3,9 тонна заңсыз ауланған балық, 66 ау құралдары және 5 жүзу құралдары тәркіленді.

Құқық бұзушыларға 4 млн 280 мың теңге айыппұл салынды. Ал балық ресурстарына келтірілген залал үшін 1 млн 963 мың теңге талап қойылды», - делінген Балқаш-Алакөл облысаралық бассейндік балық шаруашылығы инспекциясының жариялаған хабарламасында.

Браконьерлердің алдын алу іс-шарасы 17 маусымға дейін жалғасады.





Жоғары қарай