Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы әкімі Роза Бағлановаға ескерткіш орнату туралы ұсынысты қолдауды тапсырды

2021 жылдың 13 сәуір 2021 19:57

АЛМАТЫ. ҚазАқпарат- Алматы әкімі өзекті мәселелерді шешуге өтініш білдірген азаматтармен жеке қабылдау өткізді, деп хабарлайды ҚазАқпарат тілшісі.

Бизнес өкілдері әлеуметтік саладағы бюджеттік үрдістерді цифрландыру және оңтайландыру, қаланың туристік тартымдылығы үшін ұлттық жобаларды, электрокөлікті, оның ішінде Алматыдағы электротакси қызметін дамыту бойынша ұсыныстар айтты.

Стратегия және бюджет, цифрландыру, жасыл экономика сынды бейінді басқармаларға көтерілген мәселелерді зерделеу және қолдау көрсету тапсырылды.

Білім басқармасына М. Тілеубаеваның ерекше балалар үшін арнайы түзету топтары бар мектепке дейінгі жаңа мекемелерді ашатын үй-жайларды анықтау, З. Касаинованың церебралды сал ауруына шалдыққан балаларды емдеу үшін ҚР патенттелген әдістемені кеңінен тарату жөніндегі ұсыныстарын зерделеу және қолдау көрсету жүктелді.

Мәдениет басқармасының басшысына К. Абдухалимовтың Р. Бағланованың 100 жылдығына арналған іс-шаралар өткізу, ескерткіш орнату және халық әншісінің мұражайын құру туралы ұсыныстарын қолдау тапсырылды.


Жоғары қарай