Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Алматы метросына жаңа басшы келді

2021 жылдың 20 қаңтар 2021 14:04

АЛМАТЫ. ҚазАқпарат - Алматы «Метрополитен» КМК басшылығына Сағындық Телібаев тағайындалды, деп хабарлайды ҚазАқпарат тілшісі.

Алматы әкімінің бірінші орынбасары Ерлан Қожағапанов жаңа басшыны ұйым қызметкерлеріне таныстырды.

Сонымен қатар, ол қала әкімі метрополитеннің алдына бірқатар нақты міндеттер қойғанын атап өтті. Бұл жолаушыларға қызмет көрсету сапасының жақсаруы, қауіпсіздік деңгейінің жоғарылауы, жолаушылар ағынының артуы. Сондай-ақ, ол Сағындық Телібаевтың тәжірибелі менеджер, көлік саласында мол тәжірибесі бар екенін тілге тиек етті. Жалпы метроны одан әрі дамытуға ерекше назар аударуды тапсырды.

Сағындық Телібаев метрополитендегі еңбек жолын «Алматыметрокрылыс» АҚ күрделі құрылыс басқармасының техникалық инспекторы болып бастады. Кейін күрделі құрылыс бөлімінің жетекші инженері, Алматы қаласының «Метрополитен» КМК техникалық бөлімінің жетекші инженері болды.

Ал Мемлекеттік қызметтегі еңбек жолын Алматы қаласы Жолаушылар көлігі және автомобиль жолдары басқармасында жол инфрақұрылымы бөлімінің маманы болып бастады. Соңғы бірнеше жылда Алматы қалалық мобильділік басқармасының басшысы болды.


Автор Алма Мұқанова
Басты сөздер: Тағайындау, Алматы, Қоғам,
Жоғары қарай