Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматы облысында 300-ден көп оқушысы бар мектептер онлайн оқиды

2022 жылдың 14 қаңтар 2022 11:22

ТАЛДЫҚОРҒАН. ҚазАқпарат - Алматы облысында оқушы орны 300-ден жоғары мектептер онлайн оқиды, деп хабарлайды ҚазАқпарат тілшісі Алматы облысы әкімінің баспасөз қызметіне сілтеме жасап.

«Мектеп оқушылары 17 қаңтарға дейін демалыста. 17 қаңтардан кейін 300 орынға дейінгі мектептер штаттық режимде жұмыс істейді. Оқушы орны 300-ден жоғары мектептерде оқыту онлайн режимде жүргізіледі»,- делінген ведомствоның Фейсбук парақшасына жариялаған хабарламасында.

Балабақшалар 17 қаңтарға дейін жұмысын уақытша тоқтатты. 17 қаңтардан кейін ата-аналардың өтініші бойынша қызмет көрсетеді.

Ведомствоның ақпаратына сәйкес, төмендегі нысандар көрсетілген уақыт бойынша жұмыс істейді.

Талдықорған қаласында ірі және шағын сауда орындары мен базарлар, дәріханалар сағат 09.00-ден 20.00-ге дейін қызмет көрсетеді. Әкімдіктің баспасөз қызметінің мәліметінше, халыққа қажетті азық-түлік, дәрі-дәрмек жеткілікті.

««Жедел жәрдем» қызметі үздіксіз жұмыс істеп тұр.

Жанар-жағар май құю бекеттері ашық. Екінші деңгейлі банктер іске кірісті. Банкоматтарда қолма-қол ақша жеткілікті.

Халыққа қызмет көрсету орталықтары сағат 9.00-ден 18.00-ге дейін жұмысқа кірісті«,- деп толықтырды аталған ведомствоның баспасөз қызметінен.

Айта кетейік, Алматы облысында коронавирус жұқтырғандардың саны өткен тәулікте күрт өсті. 257 адамнан аталған індет анықталды.




Автор Самал Қабышева
Басты сөздер: Алматы облысы, Білім,
Жоғары қарай