Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы облысында 4 оқушыны қаққан мас жүргізушіге қатысты сот басталды

2021 жылдың 17 мамыр 2021 19:15

ТАЛДЫҚОРҒАН. ҚазАқпарат - Алматы облысында 4 оқушыны қаққан мас жүргізушіге қатысты сот басталды. Зардап шеккен екі қыз бала ауруханада есін жимастан көз жұмған болатын, - деп хабарлайды ҚазАқпарат тілшісі.

Іс Еңбекшіқазақ аудандық сотында қаралуда. Бірақ куәгерлердің келмеуіне байланысты процесс 20 мамырға шегерілді. Айта кетейік, көлікті мас күйінде жүргізіп, оқушыларды қаққан — Еңбекшіқазақ ауданындағы Қорам ауылының 54 жастағы тұрғыны.

«Куәгерлерді шақырту үшін іс 20 мамырға шегерілді»,- деп мәлімдеді Алматы облыстық сотының баспасөз қызметінен.

Естеріңізге сала кетейік, 2 наурыз күні Еңбекшіқазақ ауданының Қорам ауылында мас жүргізуші сабақтан қайтып келе жатқан 4 оқушы қызды көлігімен қағып кетті.

Оқиға болғаннан кейін оқушының бірі жарты айдан соң, екіншісі бір айдан кейін жансақтау бөлімінде есін жимастан көз жұмды.

Балалар 8-9 жаста болатын.


Жоғары қарай