Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматы облысында 54 үш ауысымды мектеп бар

2022 жылдың 20 ақпан 2022 08:29

ТАЛДЫҚОРҒАН. ҚазАқпарат - Алматы облысында 54 үш ауысымды мектеп бар, деп хабарлайды ҚазАқпарат тілшісі Алматы облысы әкімінің баспасөз қызметіне сілтеме жасап.

«Мектептердегі үш ауысымды оқыту мәселесі ішкі көші-қонға және бала туу көрсеткішінің жоғары болуына байланысты әлі де өзекті болып отыр. Қазіргі уақытта облыста 54 үш ауысымды, 143 бейімделген мектеп бар. Жаңа типтік мектептер салу үшін қомақты қаражат қажет»,-, делінген ведомствоның хабарламасында.

Баспасөз қызметінің ақпаратына сәйкес, бұл проблемаларды шешу үшін жалпы сипаттағы трансферттер шеңберінде қаржыландыру жеткіліксіз. Педагогтар үшін нормативтік оқу жүктемесінің төмендетілуіне байланысты мұғалімдердің жалақысын арттыру республикалық бюджеттен қосымша қаржы қарастыруды қажет етеді.

«Сондай-ақ 2021 жылы Нәтижелі жұмыспен қамту және жаппай кәсіпкерлікті дамытудың «Еңбек» бағдарламасының аяқталуына байланысты қаражаттың айтарлықтай қысқаруы жұмыссыздықтың көбею қаупін туғызады. Сондықтан бұл мәселелерді шешуде Үкіметтің қолдауы қажет«,- делінген ведомствоның ақпаратында.





Жоғары қарай