Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы облысында бір тәулікте 13 бала коронавирус жұқтырды

2021 жылдың 7 маусым 2021 13:50

ТАЛДЫҚОРҒАН.ҚазАқпарат - Өткен тәулікте Алматы облысында коронавирус 54 адамнан анықталды, оның 13-і – 14 жасқа дейінгі балалар, деп хабарлайды ҚазАқпарат тілшісі.

«Облыс бойынша коронавирустың таралу қарқыны соңғы 2 аптада 0,4%-дан (24.05-30.05) 0,2%-ға дейін (31.05-06.06) азайды.

Ең жоғары өсу қарқыны Балқаш - 0,4%, Ескелді - 0,8%, Жамбыл - 0,3%, Карасай - 0,3%, Талғар - 0,4%, Сарқан 0,6% аудандарында байқалады. Соңғы тәулікте КВИ-дің 54 жағдайы тіркелді. Өсу қарқыны – 0,2%, оның ішінде 28 симптомдық және 26 симптомсыз жағдай. 54 деректің 13-і – 14 жасқа дейінгі балалар», - делінген Алматы облыстық Санитариялық-эпидемиологиялық бақылау департаментінің баспасөз қызметі таратқан хабарламада.

Сондай-ақ 7 маусымдағы жағдай бойынша, облыста індеттен барлығы 25 324 науқас жазылып шықты. Бір тәулік ішінде 21 пациент – стационардан, 9 адам үй карантинінен шығарылды.

Жалпы, пандемия басталғалы Алматы облысында коронавирустың зертханалық расталған 26 448 оқиғасы тіркелген. Оның ішінде симптомды – 16 582 науқас.


Жоғары қарай