Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы облысында туыстар арасындағы жанжал адам өлімімен аяқталды

2021 жылдың 17 ақпан 2021 16:05

ТАЛДЫҚОРҒАН.ҚазАқпарат - Алматы облысының Талғар ауданында туыстар арасындағы түсінбеушілік адам өлімімен аяқталды, деп хабарлайды ҚазАқпарат тілшісі.

Алматы облыстық Полиция департаменті баспасөз қызметінің мәліметінше, 16 ақпан күні Талғар ауданының полиция бөліміне Тұздыбастау ауылындағы жанар-жағармай бекеті аумағында ер адамның мәйіті табылғаны туралы хабар түскен. Оқиға орнына шұғыл жеткен тәртіп сақшылары қайтыс болған адамның 48 жастағы Байбұлақ ауылының тұрғыны екенін анықтаған.

«Зорлықпен өлтіру белгілері бар ер адамның мәйіті табылды. Осыған орай, ҚР Қылмыстық кодексінің 99-бабына сәйкес адам өлтіру дерегі бойынша қылмыстық іс қозғалды. Қылмысқа қатысы бар күдіктіні жедел анықтау шаралары барысында 29 жастағы жігіт ұсталды. Сотқа дейінгі тергеу амалдары жүргізілуде. Өзге ақпарат тергеу құпиялылығына байланысты таратылмайды»,- деді Талғар ауданы Полиция басқармасының бастығы Жанболат Зиядин.

Тергеу барысында күдікті қылмыс жасағанын толығымен мойындаған. Оның қайтыс болған ер адамға жақын туыс екені анықталды. Көп уақытқа созылған туыстар арасындағы кикілжің осы қылмысқа әкеп соққан.

«Тергеу барысында 1992 жылы туған жігіттің неге қылмысқа барғаны анықталады. Туысымен сөзге келіспей қалған ол ашуға бой алдырып, қолындағы пышақпен дене жарақатын салғаны белгілі болды. Іс бойынша тиісті сараптамалар тағайындалды. Күдікті уақытша ұстау изоляторына қамауға алынды»,- деп толықтырды Жанболат Зиядин.


Жоғары қарай