Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы облысында жаңа шектеу шаралары енгізілді

2021 жылдың 23 шілде 2021 20:24

ТАЛДЫҚОРҒАН. ҚазАқпарат – Алматы облысының Бас мемлекеттік санитар дәрігері карантинді күшейту туралы жаңа қаулыға қол қойды, деп хабарлайды ҚазАқпарат тілшісі.

Құжатта ҚР-да және Алматы облысында эпидемиологиялық ахуалдың нашарлауына байланысты 26 шілдеден бастап жаңа шектеу шаралары енгізілгені жазылған. Олар:

1) «Ashyq» жобасына қатысуына қарамастан, сенбі және жексенбі күндері келесі қызметтерге тыйым салынады:

- қоғамдық көліктердің қызметтеріне;

- COСO, сауда үйлері, сауда желілерінің;

- спорт объектілері (спорт кешендері, спорт мектептері,спорт клубтары, жаттығу залдары);

- қоғамдық тамақтану объектілері, фудкорттардың (тамақ жеткізуге рұқсат етіледі);

- фитнесс-орталықтардың, фитнесс-клубтардың, йога-орталықтарының, спорттық-сауықтыру объектілерінің, сауналардың, моншалардың, СПА орталықтарының, бассейндердің;

- кинотеатрлардың, театрлардың, концерт залдардың, филармониялардың, цирктердің;

- алаңы 1000 шаршы метрден асатын азық-түлік емес тауарларды өткізу жөніндегі объектілердің, ашық және жабық базарлардың;

- компьютер клубтарының, боулингтердің, бильярд залдарының, караоке, түнгі клубтардың;

- білім беру орталықтарының, балаларға және үлкендерге арналған үйірмелердің, балаларды дамыту орталықтарының, балалардың көңіл көтеру орталықтарының;

- банктердің, ХҚКО-лардың, Қазпошта бөлімшелерінің;

- діни объектілердің қызметтеріне тыйым салынады.

2) жұмыс күндері қойылатын шектеулер:

- «Ashyq» жобасына қатысатын қоғамдық тамақтану объектілері, фудкорттар сағат 20:00-гe дейін, «Ashyq» жобасына қатыспайтындар сағат 17:00-гe дейін;

-«Ashyq» жобасына қатысатын фитнес-орталықтар, фитнес-клубтар, йога- орталықтар, спорттық-сауықтыру объектілері, сауналар, СПА - орталықтар, спорт объектілері, бассейндер сағат 20:00-гe дейін, «Ashyq»-қа қатыспайтындар сағат 17:00-гe дейін шектеу қойылады.

Сондай-ақ «Ashyq» жобасына қатысуына қарамастан ашық және жабық жағажайлар, аквапарктер мен аттаркциондардың қызметі тоқтатылады.

Қаулының толық мәтінімен мына жерде танысуға болады.


Жоғары қарай