Ауа райы
Астана 29 °С
Алматы 34 °С
валюта бағамы
USD 412.55
EUR 468.66
RUB 5.79
CNY 58.80

Алматы облысындағы «Мемсараптама» басшысы 1 млн теңге пара алды деген күдікпен ұсталды

2020 жылдың 11 шілде 2020 11:33

ТАЛДЫҚОРҒАН. ҚазАқпарат - Алматы облысы бойынша «Мемсараптама» РМК басшысы 1 млн теңге пара алды деген күдікпен ұсталды, деп хабарлайды ҚазАқпарат тілшісі.

«Алматы облысы бойынша сыбайлас жемқорлыққа қарсы қызметпен «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасын іске асыру аясында жүзеге асырылатын « 1500 орынға арналған орта мектептің құрылысы» жобасына мемлекеттік сараптама жүргізу үшін 1 млн теңге сомасында пара алды және берді деген күдікпен Алматы облысы бойынша «Мемсараптама» РМК басшысы және ЖШС басшысына қатысты сотқа дейінгі тергеп-тексеру басталды. РМК басшысы ұсталды және Талдықорған қаласы ПБ уақытша ұстау изоляторына қамалған», - делінген Алматы облысы бойынша сыбайлас жемқорлыққа қарсы қызметтің таратқан хабарламасында.

Қазір Тергеп-тексеру жалғасуда. Басқа мәліметтер тергеу мүддесінде ҚР ҚПК-ның 201-бабына сәйкес жариялауға жатпайды.


Жоғары қарай