Ауа райы
Астана 0 °С
Алматы 0 °С
валюта бағамы
USD 431.03
EUR 471.76
RUB 5.85
CNY 61.32

Алматы облысының полицейлері алаяқтық жасады деген күдіктінің суретін жариялады

2020 жылдың 25 ақпан 2020 03:08

ТАЛДЫҚОРҒАН. ҚазАқпарат - Алматы облысының полицейлері алаяқтық жасады деген күдіктінің суретін жариялады, деп хабарлайды ҚазАқпарат тілшісі.

Алматы облысы ПД Баспасөз қызметінің мәліметінше, Көксу ауданы Полиция бөліміне 37 жастағы жергілікті тұрғын алаяқтық дерегі бойынша арызданды. Осы қылмыстық құқық бұзушылық дерегі бойынша ҚР Қылмыстық кодексінің 190-бабының 1-тармағы бойынша сотқа дейінгі тергеу амалдары басталды.

Тәртіп сақшылары тергеу барысында 1990 жылы туған азаматтың бірқатар алаяқтық әрекет жасағанын анықтаған. Атап айтқанда, 2017 жылдың қазанында зардап шегушіге жер учаскесінің жалған құжаттарын беру арқылы оның қаржысын заңсыз иемденген. Ал, 57 жастағы кейуананың сеніміне кіріп, үйінің құжаттарын жасап беремін деп ірі көлемде ақшасын алып кеткен.

Жоғарыда аталғандардың негізінде, Алматы облысының полицейлері М. деген азаматтың жымысқы әрекеттерінен зардап шеккендер болса, 8 (7283) 84 23 84 және 8-707-242-75-50 телефондарына хабарласуды сұрады.


Жоғары қарай