Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы жылыту маусымына қаншалықты дайын

2021 жылдың 13 қыркүйек 2021 11:10

АЛМАТЫ. ҚазАқпарат - Алматы қаласы алдағы жылыту маусымына 94% дайын, деп хабарлайды ҚазАқпарат тілшісі.

«Алматы жылу желілері» ЖШС бас инженері Данияр Қазымбетовтің айтуынша, сорғы жабдықтары да 94 пайыз дайын.

Жоспар бойынша биыл 17 жылу желісін қайта жөндеуден өткізу міндеттелген. Олар аяқталуға жақын.

Оның ішінде 20 шақырымға жуық жылу желісі мен 6 сорғы станциясындағы жабдықтар жаңартылады.

Жалпы, қазіргі таңда қаланың жылу жүйесінде соңғы сынақтар өткізіліп жатыр.

Кешенді шара барысында жөндеуден кейінгі құбырлардың беріктігі мен тығыздығы тексеріледі.

Айту керек, биыл ескірген қазандықтар энергияны үнемдеп, жылу өткізуді жақсартатын заманауи еуропалық өнімдерге алмастырылған.


Жоғары қарай