Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда ауласында марихуана өсірген ағайындылар ұсталды

2021 жылдың 14 қыркүйек 2021 11:53

АЛМАТЫ. ҚазАқпарат – Алматыда ауласында марихуана өсірген ағайындылар ұсталды, деп хабарлайды ҚазАқпарат тілшісі.

Есірткіге қарсы қылмыстың жолын кесуге, құрамында есірткі бар өсімдікті заңсыз егуге қарсы бағытталған «Допинг» республикалық жедел-алдын алу шарасы аясы өткізіліп жатыр. Алматы қаласының полицейлері 33 және 31 жастағы ағайындының заңсыз әрекетін анықтады. «Бастапқыда жедел және арнайы іс-шаралар кешені жүргізілді. Жедел ақпарат расталды. Күдіктілер ұсталды. Ер адамдар Алматы қаласының Алатау ауданында орналасқан үйінің ауласында марихуана өсіргені белгілі болды. Бақшадан сот-химиялық сараптамаға сәйкес жалпы салмағы 24 келі 300 грамм болатын 98 түп жабайы қарасора тәркіленді. Бұл факті бойынша сотқа дейінгі тергеу басталды, оның барысында ағайындылар қандай мақсатта тыйым салынған шөпті өсіргені анықталады», – деді Алматы қалалық Полиция департаменті Есірткі қылмысына қарсы күрес басқармасының бастығы Ерлан Әлмағамбетов.


Жоғары қарай