Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда бір тәулікте 6,2 мыңнан астам адам вакцина алды

2021 жылдың 28 маусым 2021 18:42

АЛМАТЫ. ҚазАқпарат - Алматы қаласында бір тәулікте 6 203 адам коронавирусқа қарсы вакцина салдырды. Бұл туралы онлайн брифинг барысында Алматы қаласы қоғамдық денсаулық басқармасының басшысы Нариман Табынбаев айтты, деп хабарлайды ҚазАқпарат тілшісі.

«27 маусым күні 6 203 алматылық вакцина салдырды. Биылғы жылдың 1 ақпаны мен 27 маусым аралығында қалада барлығы 428 532 адамға екпе салынды. Вакцина алғандардың жалпы санынан 60 жастан асқан қарт кісілер -69 644»,- дейді Нариман Табынбаев.

Оның айтуынша, қалада 208 пункт жұмыс істеп тұр. 1 256 адамнан тұратын 307 егу бригадасы бар. Сонымен қатар, 40 көшпелі мобильді бригада ұйымдастырылды.

«Қазіргі медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді» - деп нақтылады Қоғамдық денсаулық сақтау басқармасының басшысы.

Қала бойынша вакцинаның қалдығы – бірінші компоненттің 41 518 дозасы және екінші компоненттің 104 241 дозасы бар.

Айта кетейік, 26 маусым күні Алматыға QazVac вакцинасының 1 және 2 компонентінің 9 000 дозасы жеткізілді


Автор Алма Мұқанова
Басты сөздер: Алматы, Вакцина,
Жоғары қарай