Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда бір тәулікте 8 мыңға жуық адам вакцина алды

2021 жылдың 14 қыркүйек 2021 13:38

АЛМАТЫ. ҚазАқпарат - Алматы қаласында бір тәулікте 7 725 адам коронавирусқа қарсы вакцина салдырды. Бұл туралы қалалық қоғамдық денсаулық сақтау басқармасы мәлім етті, деп хабарлайды ҚазАқпарат тілшісі.

«13 қыркүйек күні 7725 алматылық вакцина салдырды. Коронавирусқа қарсы екпенің І компонентін 3 085, II компонентін 4 640 адам алды. Вакцина салдырғандар саны бойынша Алматы қаласы алдыңғы орында. Биылғы жылдың 1 ақпаны мен 13 қыркүйек аралығында қалада 913 607 тұрғын вакцинаның бірінші компонентін, 809 747 адам екінші компонентін салдырған. Оның ішінде 115 210 адамның жасы 60-тан асқан»,- деп хабарлады басқармадан.

Қалада 160 пункт жұмыс істеп тұр. 1 028 адамнан тұратын 237 егу бригадасы бар.

«Қазір медицина ұйымдарында, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді» - деп нақтылады денсаулық сақтау басқармасының баспасөз қызметі.


Жоғары қарай