Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда демалыс күндері қоғамдық көліктер жүрмейді

2021 жылдың 12 наурыз 2021 13:11

АЛМАТЫ. ҚазАқпарат— Алматыда 13,14 наурызда қоғамдық көліктер жүрмейді, яғни автобустар мен метро жұмысы тоқтатылады, деп хабарлайды ҚазАқпарат тілшісі.

«Қаладағы эпидемиологиялық жағдайдың төмендеуіне байланысты 13,14 наурызда қоғамдық көліктер жүрмейді. Мұндағы мақсатымыз - індеттің алдын алу және таралып кетуін болдырмау. Ал дүйсенбі, 15 наурызда сағат 6:00- ден бастап қоғамдық көліктер өз жұмысына кіріседі»,- деді қалалық жұмылдыру басқармасы.

Алматы «қызыл» аймаққа енді. Қалада карантиндік шаралар күшейтілді.

Айта кету керек, 10 наурызда Алматы қаласы коронавирус бойынша қызыл аймаққа енген болатын. Қаланың Бас мемлекеттік санитарлық дәрігері Жандарбек Бекшин жаңа қаулы шығарды. Оған сәйкес демалыс күндері, яғни, сенбі және жексенбі күндері қалада спорт кешендері, спорттық-сауықтыру орталықтары мен фитнес-орталықтар, сондай-ақ, сауда ойын сауық орталықтары, сауда үйлері мен сауда желілерінің қызметіне тыйым салынған.

Ашық базарларға (азық-түліктік, азық-түліктік емес) тек жексенбіде жұмыс істеуге тыйым салынды. Супермаркеттер мен гипермаркеттердің уақыты сағат 06:00-ден 02:00-ге дейін шектелді.

Жоғары қарай