Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда екі қабатты үйдің шатыры опырылып түсті

2021 жылдың 31 мамыр 2021 18:07

АЛМАТЫ. ҚазАқпарат - Алматыда екі қабатты үйдің шатыры опырылып түсті, аброй болғанда адамдар аман, деп хабарлайды ҚазАқпарат тілшісі.

Бостандық ауданының әкімдігі бұл ақпаратты растады.

Бұқар жырау бульварында орналасқан №67 екі қабатты үйдің бір пәтерінің төбесі құлап түсті. Үйдің екі кіреберісі бар, ол 11 пәтерден тұрады. Апатты үй 1956 жылы салынған.

«Төбесі опырылып түскен пәтерде 6 адам тұрады, оның екеуі бала. Оқиға кезінде балалар болмаған. Бірінші кіреберісте 4 пәтер және 2 кеңсе, екінші кіреберісте кеңсе және 4 пәтер орналасқан. Апатты үйдің төбесі құлаған соң, аудандық әкімдік №5 пәтерде түратын 4 адамды «Атакент» қонақ үйіне орналастырды. Ал №4, 6 пәтер бос», - деп хабарлады аудан әкімдігінен.

Бүгін қала құрылысын бақылау басқармасы үйдің төбесі мен шатырының техникалық жағдайын анықтауға кірісті. Құрылыс және қалпына келтіру жұмыстарын жүргізу үшін лицензиясы бар ұйымның мамандарын тарта отырып құлаған төбеге сараптама жүргізіп жатыр.

Фото: Шолпан Алидің фейсбугынан
Автор Алма Мұқанова
Басты сөздер: Оқиға, Алматы,
Жоғары қарай