Ауа райы
Астана -19 °С
Алматы -14 °С
валюта бағамы
USD 421.58
EUR 496.83
RUB 5.53
CNY 62.20

Алматыда қарашада 36 адам коронавирустан қайтыс болды

2020 жылдың 27 қараша 2020 15:25

АЛМАТЫ. ҚазАқпарат – Алматыда қараша айында коронавирустан 36 адам көз жұмды. Бұл туралы бүгін қалалық Қоғамдық денсаулық сақтау басқармасы басшысының міндетін атқарушы Жанар Мадеева онлайн брифинг барысында айтты, деп хабарлайды ҚазАқпарат тілшісі.

«Осы айда коронавирус жұқтырған 36 науқас көз жұмды. Олардың ішінде 10 адам 65 жасқа дейін болса, 25 науқас 65 жастан асқан азаматтар. Осы науқастардың 8-і ғана емханаға аурудың 7-тәулігінде келген. Қалған 28-і 10 күннен асқанда келді. 19 науқас үйде туыстарының айтуымен емделген. Олардың барлығында қосарлы созылмалы диагноздары болған. Аса ауыр халде жатқан науқастардың жасы 57 мен 83 жас аралығында», - деді Жанна Мадеева.

Оның айтуынша, қалада күніне 40 адамнан симптомсыз коронавирус табылады.

«Ал инфекциялық стационарларда 257 адам, оның ішінде 15 бала емделіп жатыр. Олардың 20-сы аса ауыр халде, 65 адам ауыр халде, 230 адамның жағдайы орташа дәрежеде. Жансақтау бөлімінде 29 пациент жатыр. Өкпені жасанды желдету аппаратына 3 адам қосылған», - деді Жанна Мадеева.

Бүгінде зертханалық талдаумен расталған 442 адам үйінде оқшауланған.

Пандемия басталғалы бері Алматыда 15 876 адамнан коронавирус табылды. Оның ішінде 14 740 адам жазылып шықты, 323 адам қайтыс болды.


Жоғары қарай