Ауа райы
Астана 7 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Алматыда қайтадан карантин енгізілуі мүмкін – Сағынтаев

2020 жылдың 27 мамыр 2020 17:31

АЛМАТЫ. ҚазАқпарат – Алматыда қайтадан карантин болуы әбден мүмкін. Бұл туралы қала әкімі Бақытжан Сағынтаев онлайн брифинг барысында айтты, деп хабарлайды ҚазАқпарат тілшісі.

«Егер эпидемиологиялық ахуал нашарлайтын болса, қала қайтадан карантинге жабылуы әбден мүмкін. Мен алматылықтарға алғыс айтамын. 2 ай шыдап үйде отырғандары үшін. Наурыздың соңында қалада 35 мың ғана көлік жүрген. Ал карантинге дейін мұнда 500 мың қала тұрғынының, 250 мың облыс тұрғынының көлігі қалада жүретін. Бірақ 2 айда шыдам деген бітті. Төтенше жағдай режимі алынған соң бәрі сыртқа шықты. Қарасаңыз, әр облыста коронавирус көрсеткіші артып келеді. Егер олай болатын болса, қатаң карантин режимі қайтарылады», - деді қала әкімі Бақытжан Сағынтаев.

Оның айтуынша, 15 сәуірден кейін Қазақстанға Қытайдан дәрігерлер келген. Шетелдік мамандар Алматы қаласындағы карантин режимінің сақталуын жоғары бағалаған.

Наурыздың басында ҚР ДСМ Алматы қаласында коронавирус 850 адамға жұғады деген болжам айтқан.

«Ал қазір қанша? 2353 адам. Ал ресбулика бойынша 9 мыңна насты. Егер, далаға шығуға рұқсат берілсе, онда тек маскамен шығу керек. Қашықтық сақтау керек. Ал бізде қалай? Бір-бірін ауызашарға шақырып, суретке түсіп, әлеуметтік желіге жариялап жатыр», - деді әкім.


Жоғары қарай