Ауа райы
Астана 10 °С
Алматы 10 °С
валюта бағамы
USD 412.55
EUR 468.66
RUB 5.79
CNY 58.80

Алматыда өкпесі 100% зақымданған 84 жастағы қария жазылып шықты

2020 жылдың 11 тамыз 2020 20:43

АЛМАТЫ. ҚазАқпарат – Алматыда фтизиопульмонологиялық орталықта коронавирустен екі қарт адам емделіп, үйлеріне шықты, деп хабарлайды ҚазАқпарат тілшісі.

Денсаулық сақтау басқармасының мәләметінше, олардың бірі 84 жастағы қария, оның өкпесі 100% зақымдалған. Науқас ауруханаға 19 шілде күні коронавирустық инфекция диагнозымен түскен. Ол құрғақ жөтелге, жалпы әлсіздікке, тәбетінің төмендеуіне шағымданған. Дәрігерлер оның өмірін сақтап қалу үшін 16 күн күресті.

«Науқас жансақтау бөлімінде 16 күн жатты. 8 күн инвазивті ӨЖЖ аппаратында болды. Жағдайы қалыпқа келгеннен кейін науқас бөлімшеге емделуге ауыстырылды»,– дейді Фтизиопульмонология орталығының директоры Жанар Сапиева

Екінші науқас – 78 жастағы әже. Ол екі жақты полисегменттік пневмония диагнозымен ауруханада бір айдан астам уақыт емделді. Науқастың өкпесі 85% зақымданған. Оның айтуынша, ауру аяқ асты басталған, бастапқыда ЖРВИ деп ойлап, үш күн үйінде емделген.

Жанар Сапиеваның айтуынша, пациенттер бүгінде өздерін жақсы сезінеді, жағдайлары қалыпты, емделушілерде коронавирус инфекциясының белгілері байқалмайды. Кеше олар үйіне шығарылып, амбулаториялық деңгейде бақылауға алынды.

Автор Алма Мұқанова
Басты сөздер: Коронавирус, Алматы,
Жоғары қарай