Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда субурқақта балаларды тоқ соқты: Әкімдік мән-жайды түсіндірді

2021 жылдың 20 маусым 2021 15:14

АЛМАТЫ. ҚазАқпарат – Қазақ мемлекеттік циркі ғимаратының жанындағы субұрқақта кеше үш адамды тоқ соқты. Осыған байланысты әкімдік мән-жайды түсіндірді, деп хабарлайды ҚазАқпарат тілшісі.

«Оқиға болған күні субұрқақ қалыпты режимде жұмыс істеген. Күннің бірінші жартысында кезекші техникалық маман бірнеше рет субұрқақ тостағын тазалап, жұмыс істеп тұрған субұрқақтың ішіндегі қондырмасын (ағындарды) реттеу бойынша жұмыс істеген, бұл аталған оқиға болғанға дейін субұрқақ жабдығының тұтастығы мен қауіпсіздігін растайды»,-деп хабарлады Алматы қаласы Жасыл экономика басқармасынан .

Басқарма мәліметінше, субурқаққа тексеру жұмыстары жүргізілді.

«20 маусым күні Алматы қаласы Жасыл экономика басқармасы, ШЖҚ «Алматықалажарық» МКК және «Эко Алматы» ЖШС өкілдерінің қатысуымен субұрқаққа барып, бірлескен тексеру және зерттеу жүргізілді. Оның барысында субұрқақ жабдығының жұмысындағы ақауды растайтын техникалық бұзушылықтар анықталмады»,- делінген хабарламада.


Автор Алма Мұқанова
Басты сөздер: Алматы, Оқиға,
Жоғары қарай