Ауа райы
Астана -26 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Алматыда тапанша ұстап жүрген ер адамның кім екені анықталды

2020 жылдың 19 қазан 2020 11:14

АЛМАТЫ. ҚазАқпарат – Алматыда тапанша ұстап жүрген ер адамның кім екені анықталды, деп хабарлайды ҚазАқпарат тілшісі

Қолына тапанша ұстаған ер адамның видеосы әлеуметтік желілерде пайда болды. Бейнежазбада оның Үлкен Алматы каналы, Солтүстік айналма жолының аумағында түсірілгені айтылған.

Қалалық Полиция департаментінің мәліметінше, Алатау аудандық полиция басқармасының қызметкерлері видеодағы ер адамның кім екенін бірден анықтады. Ол 1992 жылы туған Ш. есімді азамат. Ол бұзақы ретінде полиция есебінде тұрған және ішімдікке салынған.

«Тексеріс барысында күдіктінің қолында ойыншық тапанша болғаны анықталды. Сондай-ақ, Ш. есімді азаматты видеоға түсіріп жатқан кезде ол мас болған. Онымен құқықтық түсіндіру жұмыстары жүргізілді», - деп түсіндірді Алматы қаласы Полиция департаментінің баспасөз қызметі.


Автор Алма Мұқанова
Басты сөздер: Алматы, Оқиға,
Жоғары қарай