Ауа райы
Астана 24 °С
Алматы 23 °С
валюта бағамы
USD 412.55
EUR 465.73
RUB 5.79
CNY 58.91

Алматыда той-томалақ өткізуге рұқсат жоқ – Бекшин

2020 жылдың 1 маусым 2020 19:53

АЛMATЫ. ҚазАқпарат - Алматыда үйлену тойлары мен банкеттерге әлі де тыйым салынады. Бұл туралы онлайн-брифингте қаланың бас мемлекеттік санитар дәрігері Жандарбек Бекшин мәлім етті, деп хабарлайды ҚазАқпарат тілшісі.

«Рұқсат жоқ. Бүгінде Алматыда тамақтану орындарына жұмыс істеуге мүмкіндік берілді. Бірақ түрлі банкет, мерекелік шаралар, ұжымдық басқосуды қоғамдық тамақтану орындарында өткізуге тыйым салынған», - деп түсіндірді Жандарбек Бекшин.

Айта кетейік, Алматыда дәмханалар мен тамақтану орындары 25 мамырдан бастап жұмыс істеп келеді.

Оларға қойылатын талап – бір отбасының мүшелерін қоспағанда, көрші үстелдерде отырған қонақтардың арасындағы қашықтық - кемінде 2 метр, ал бір үстелге отыратын адам саны - 4 адамнан аспауын қамтамасыз ету.

Қоғамдық тамақтану орындарына кешкі сағат 23:00-ге дейін жұмыс істеуге рұқсат берілген.


Жоғары қарай